जिल्ला वन समन्वय समितिको कार्यालयको सन् २००९ को स्वीकृत वार्षिक कार्यक्रम अर्न्तगत आयआर्जन कार्यक्रमका लागि कविलास गा.वि.स. अर्न्तगत रहेका तीन वटा सामुदायिक वन उपभोक्ता समुह (इनदेणी, अकलादेवी र वागेश्वरी सा.व.उ.स.) मा विपन्न र गरिव परिवारलाई प्रत्यक्ष लाभ पूर्याउने उद्देश्यले आयआर्जन कार्यक्रम अर्न्तगत वाख्रापालन कार्यक्रम सञ्चालन गरिएको छ । उक्त कार्यक्रमका लागि जि.व.स.स.वाट प्रति समुह रु. ५०,०००।, सम्वन्धित सा.व.उ.स. वाट प्रति समुह रु. १००००० गरी जम्मा रु. १५०,००० हरेक समुहमा लगानी भएको छ ।
साथै उक्त आयआर्जन समुहलाई जि.व.का. , चितवन द्धारा प्रति समुह रु ५०,००० का दरले अम्रिसो रोपण, डालेघास रोपण जस्ता वाख्रापालनमा टेवा पूर्याउन कार्यक्रम सञ्चालन गरिएको छ ।
उक्त कार्यक्रमवाट प्रति व्यक्ति रु ५००० का दरले २–३ गोटा सम्म वाख्रा खरिद, समुह सशक्तिकरण र क्षमता विकास, वाख्रापालन सम्वन्धि १ दिने तालिम, औषधि उपचार, समुह वचत तथा परिचालन जस्ता महत्वपूर्ण कार्यक्रम सम्पन्न भएका छन् ।
कार्यक्रममा दलित, चेपाङ, तमाङ वर्गवाट अति विपन्न, गरिव तथा महिला समावेश गरि जम्मा ७६ जना यस कार्यक्रमवाट लाभान्वित भएका छन् । स्थानिय सा.व. को समेत कोष परिचालन गरि कार्यक्रम सञ्चालन भएवाट गरिवी निवारणका लागि थप टेवा पुग्ने आशा राखिएको छ ।
- anishn's blog
- Add new comment
- Bookmark & Share